ဝိညာဉ်သစ် စာအုပ်စင်ရဲ့ ၂၀၀၈ ခုနှစ်ရဲ့ ဖတ်သူများဆုံးစာအုပ် ၁၀ အုပ်

နှစ်ဟောင်းကုန်လို့ နှစ်သစ်တစ်ခုပြောင်းလဲတော့မှာပါ။ မိတ်ဆွေတို့လည်း နှစ်သစ်မှာ လူသစ်စိတ်သစ်နဲ့ ၂၀၁၀ ဆိုတဲ့ နောက်ထပ်ဆယ်စု နှစ်တစ်ခုဆီ ဦးတည်နေပါပြီ။ ဒီနှစ်လေး အတွင်းမှာ ကျွန်တော်တို့ရဲ့ စာအုပ်စင်လေးမှာ ပုံမှန်လာရောက်ဖတ်ရှူတဲ့ ပရိသတ်တွေဟာ များသည်ထက်များပြားလာပါတယ်။ တစ်ယောက်စကား တစ်ယောက်ကြားပြီး ရောက်လာအောင် သတင်းဆောင်ပေးခဲ့တဲ့ မိတ်ဆွေအပေါင်းကိုလည်း ကျေးဇူးတင်ကြောင်း ပြောပါစေ။ ထိုအတူပဲ ကျွန်တော်စာအုပ်တော်တော်များများကို ရခဲ့တဲ့ ပဒုမာဖိုရမ်မှညီအကိုမောင် နှမများ၊ မြန်မာမိသားစုမှရောင်းရင်းများ၊ မြန်မာebook ဆိုဒ်မှ မိတ်ဆွေများ၊ သူတို့ဆီမှာရှိတဲ့စာအုပ်များကို ကျွန်တော်ဆီရှယ်ပေးသော ညီအကိုမောင်နှမများကိုလည်း ကျေးဇူးတင်ပါတယ်။ နောက်ဆုံးအနေနဲ့ ပြောချင်တာကတော့ ဒီစာအုပ်စင်လေးက ကျွန်တော်တစ်ယောက်တည်း ပိုင်တာ မဟုတ်ပါဘူး။ မိတ်ဆွေတို့အားလုံးရဲ့ ကိုယ်ပိုင်စာကြည့်တိုက်လေးတစ်ခုဖြစ်ပါတယ်။  အားလုံးကို ကျေးဇူးတင်ပါတယ်။

ဒီစာအုပ်စင်လေးက ကျွန်တော်ကိုယ်ပိုင်အရာတစ်ခုမဟုတ်ပါဘူး။ ဒီကိုလာတဲ့သူအားလုံးပိုင်ဆိုင်တဲ့ အရာလေးဖြစ်တယ်လို့ ကျွန်တော်ယူဆပါတယ်။

စာပေနယ်ထဲက ၂၀၀၈ ခုနှစ်ရဲ့  အကြီးမားဆုံး ဆုံးရှုံးမူကတော့ လူထုဒေါ်အမာ၊ မင်းသိင်္ခ ၊ ပန်းချီဝသုန် အစ ရှိတဲ့ ထင်ရှားတဲ့ အနုပညာရှင်တွေရဲ့ ကြွေလွင့်ြ့ခင်းတွေက ဘာနဲ့မှ အစားထိုးလို့မရနိုင်တော့မဲ့ အရာတွေပါ။ ကျွန်တော်တို့ အားလုံး သူတို့ဖိုလည်း ဆုတောင်းမေတ္တာပို့သပေးရအောင်ဗျာ။

၂၀၀၈ ခုနှစ်ရဲ့  လူဖတ်အများဆုံးစာအုပ်များကို အောက်မှာဖော်ပြပေးလိုက်ပါတယ်။

နံပါတ် ၁၀။  တာရာမင်းဝေ – ပန်းခေတ်ကလမင်း

ဒီစာအုပ်လေးက သူများတွေတော့မသိဘူး .. ကျွန်တော်ရဲ့  အနှစ်သက်ဆုံးစာအုပ်တစ်အုပ်ဖြစ်ပါတယ်။ ဒီစာအုပ်လေးက ဆရာတာရာမင်းဝေရဲ့ ပထမဆုံးလက်ရာလည်းဖြစ်ပါတယ်။ တော်တော်လေးကို ကောင်းတဲ့စာအုပ်လေးပါ။ ဇာတ်သိမ်းခန်းကို ကြိုမဖတ်ပါနဲ့ ဒီအုပ်လေးဟာ လာရောက်ဖတ်ရှူသူပေါင်း ၂၉၅ ယောက်နဲ့ ၂၀၀၉ခုနှစ်မှာ နံပါတ်၁၀ စွဲသွားပါတယ်။

နံပါတ် ၉။ ဂျူး -မတော်တရော်-၀တ္ထုတို

ဆရာမဂျူးရဲ့  ပရိသတ်ကတော့ တော်တော်ကိုများပါတယ်။ ၀တ္ထုတိုလေးက အ၀တ်အစားအစားနဲ့ ပတ်သက်ပြီးရေးထားတာပါ။ ဖတ်လိုကောင်းပါတယ်။ စာဖတ်သူ ၃၃၁ ယောက်နဲ့ နံပါတ် ၉ နေရာမှာ ရပ်တည်နေပါတယ်။

နံပါတ် ၈ .။ မင်းလူ – သင်္ခါရများ

စာရေးဆရာ မင်းလူရဲ့  သွက်လက်တဲ့ အရေးအသားနဲ့ သဘာဝကျကျဇာတ်လမ်းလေးတွေကလည်း စွဲဆောင်မူအားကောင်းခဲ့ပါတယ်။ ဒါလည်း ၀တ္ထုတိုလေး တစ်ပုဒ်ပါပဲ။ ဟာသစွက်ပြီး မင်းလူစတိုင်ကျကျနနခံစားရပါစေမယ်။

နံပါတ် ၇။ ဂျူး – ကျွန်မ၏သစ်ပင် (06/30)

ဆရာမ ဂျူးရဲ့  ၀တ္ထုရှည်ပေါ့ခင်ဗျာ.။ ကျွန်တော်မဖတ်ရသေးလို့ သိပ်မညွန်းတော့ဘူး။ ဒါပေမယ့် စာအုပ် ၃၀၀ နီးပါးမှာ ဖတ်သှူုဦးရေ ၄၄၂ ယောက်နဲ့ နံပါတ် ၇ ဆိုတဲ့ နေရာက ညွန်းစရာလိုမယ်မထင်တော့ပါဘူး။

နံပါတ် ၆။ မင်းသိခ်-ဘမျိုးဘိုးတူဘယ်သ န်ဘမှန်

ကွန်လွန်သူ စာရေးဆရာ မင်းသိင်္ခရဲ့  ဘမျိုးဘိုးတူ ဘယ်သန်ဘမှန်ဆိုတဲ့ စာအုပ်လေးက နံပါတ်၆ နေရာကို ၄၉၇ယောက်နဲ့ ရသွားပါတယ်။

၁-၅ ကိုတော့ အောက်မှာဆက်ကြည့်ပါ။ (ကြော်ငြာဝင်တာ )

နံပါတ် ၅။ မြန်မာကျူးပစ်ဒ် ချက်နည်းများ

ကျူးပစ်ဒ်ရဲ့  ချက်နည်းပြုတ်နည်းစာအုပ်က နံပါတ်ငါးနဲ့ ၅၃၉ ယောက်နဲ့ နံပါတ်ငါးကို ရယူသွားတယ်ခင်ဗျာ။ အိမ်ရှင်မတွေပဲ လာလာဖတ်ပြီး လက်စွမ်းပြနေတာလား ဒါမှမဟုတ် နိုင်ငံခြားရောက်နေတဲ့ ကိုကိုတွေပဲ လက်စွမ်းပြဖို့ ဖတ်ကြတာလားတော့ မသိဘူးခင်ဗျ။

နံပါတ် ၄။ ဂျူး – ရာဇ၀င်ထဲမှာ မောင့်ကိုထားရစ်ခဲ့

ဂျူးပါပဲခင်ဗျာ။ ဆရာမဂျူးရဲ့  မှော်ဆန်တဲ့ အရေးအသားတွေနဲ့ စာဖတ်ပရိသတ်များစွာရဲ့ နှလုံးသားကို စွဲယူခဲ့ပါပြီ။ ၀တ္ထုတိုတစ်ပုဒ်ဖြစ်ပြီး စာဖတ်သူ ၆၄၀ ကျော်ကျော်ဖတ်ရှူခဲ့ပါတယ်။

နံပါတ် ၃။ wordpress ကိုဘယ်လို Install လုပ်မလဲ

mm. wordpress.com ကနေပြီး ဖြန့်  ချီခဲ့တဲ့ တစ်မျက်နှာကျော်ကျော်သာ ရှိတဲ့ menual လေးပါ။ ဒါပေမယ့် ကျွန်တော်ဆိုဒ်တစ်ခုလုံးလဲ အဲဒီစာရွက်လေးဖတ်ပြီး wordpress ကိုပြောင်းလဲခဲ့တာပါ။ ပြောင်းလဲလာတဲ့ နည်းပညာဖွံဖြိုးမူတွေနဲ့ အတူ မြန်မာblogger တွေရဲ့ blogspot မှ wordpress သို့ ပြောင်းလိုအား ကို ဒီဟာလေးက ကိုယ်စားပြုခဲ့ပါတယ်။ စာဖတ်သူဦးရေ – ၆၅၃

နံပါတ် ၂။ Gandhi An Autobiography The Story of My Experiments With Truth

ဒီစာအုပ်ကတော့ ဂန္ဒီရဲ့  ဘ၀ဇာတ်ကြောင်းဖြစ်ပါတယ်။ ကျွန်တော်စာအုပ်စင်မှာရှိတဲ့ ရှားရှားပါးပါးရှိတဲ့ အင်္ဂလိပ်စာအုပ် အနည်းငယ်ထဲက တစ်ခြု့ဖစ်ပါတယ်။ စာဖတ်သူဦးရေ – ၁၀၆၇

နံပါတ် ၁……………………………………………………..

ဘာစာအုပ်ထင်လဲ။ မြန်မာပရိသတ်တွေ အကြိုက်ဆုံး နဲ့ အနှစ်သက်ဆုံး စာအုပ်က ဂျူးလည်း မဟုတ်၊ မင်းလူတွေ တာရာ မင်းဝေတွေလည်း မဟုတ်။ ခေတ်ဟောင်းစာအုပ်လည်းမဟုတ်။ တက္ကသိုလ်နေလင်းအောင်ရဲ့ နဂါးနိုင်ဓါး သိုင်းဝတ္ထုပဲဖြစ်ပါတယ် ခင်ဗျာ။ ဖတ်ရှူသူဦးရေ ၁၃၈၁ နဲ့ ဖတ်သူအများဆုံး စာအုပ်အဖြစ် စာရင်းဝင်သွားပါတယ်။

ဝိညာဉ်သစ် အကောင်းဆုံးစာရေးဆရာ

ဝိညာဉ်သစ် စာအုပ်စင်ရဲ့  ၂၀၀၈ ခုနှစ်အတွက် အကောင်းဆုံးစာရေးဆရာ အဖြစ် စာရေးဆရာမဂျူး ကိုရွေးချယ်ပါတယ်ခင်ဗျာ။

မှတ်ချက်။  ။ အထက်ပါအချက်အလက်များ အားလုံးမှာ ၀ိညာဉ်သစ် admin အဖွဲ့ ၏ သဘောတူညီချက်အရသာဖြစ်သည်။ အချက်အလက်များကို scribd မှ data အတိုင်း ကောက်နှုတ်ဖော်ပြထားခြင်းဖြစ်ပါတယ်။ အကောင်းဆုံးစာရေးဆရာနေရာအတွက်  ၀ိညာဉ်သစ်၏ လက်ရှိရှိနေသော ebook များထဲမှ ပရိသတ်များ၏ တောင်းဆိုမူ၊ ဖတ်ရှူသူဦးရေ စသောအချက်အလက်များနှင်ရွေးချယ်ပါသည်။

Popularity: 10% [?]